Zeınet jastaǵy keıýanany óltirgen qylmysker ustaldy - QR ІІM
ASTANA. 13 naýryz. QazAqparat - Almaty oblysynyń polıtsııa qyzmetkerleri Talǵar qalasynda 79 jasar keıýanany býyndyryp óltirip, zeınetaqysyn urlap ketken qylmyskerdi ustady.
Bul týraly búgingi baspasóz máslıhatynda QR Іshki ister mınıstrliginiń baspasóz hatshysy Nurdildá Oraz málim etti.
Onyń habarlaýynsha, jedel-izdestirý sharalary barysynda paıdakúnemdik maqsatta kisi óltirý qylmysyn jasaǵan 27 jasar jábirlenýshiniń kórshisi qolǵa tústi. Qandy oqıǵa bolǵan kúni kúdikti jábirlenýshiniń úıine qaryz surap, birneshe ret kelgen. Zeınetker apa aqsha bermegennen keıin ashýǵa býlyqqan azamat úıinen kúrektiń sabyn alyp kelip, ájeniń basynan birneshe ret soqqan. Sodan soń telefon symymen býyndyryp, moıyn tusynan birneshe ret pyshaqpen osyp jibergen. «Qart ájeı jantásilim bolǵanda, kúdikti úıdegi bar jıǵan-tergen 26 myń teńge aqshany qoldy qylyp, oqıǵa ornynan izin jasyrǵan. Qazirgi kezde ol qamaýǵa alynyp, atalǵan fakt boıynsha qylmystyq is qozǵaldy», - dep atap kórsetti N.Oraz.
