Zeınet jasyna jetken Tımýr Qaraǵoıshın vıtse-mınıstr qyzmetinen bosatyldy
ASTANA. KAZINFORM - Qazaqstan Respýblıkasy Úkimetiniń qaýlysymen Tımýr Jıenbaıuly Qaraǵoıshın zeınet jasyna tolýyna baılanysty ónerkásip jáne qurylys vıtse-mınıstri qyzmetinen bosatyldy. Bul týraly QR Úkimetiniń baspasóz qyzmeti habarlady.
Tımýr Qaraǵoıshın 1961 jyly Batys Qazaqstan oblysynda dúnıege kelgen.
Almaty sáýlet-qurylys ınstıtýtyn, Tehnologııa, qurylys, baǵalaý jáne sapany basqarý ýnıversıtetin támamdaǵan.
Eńbek jolyn 1978 jyly bastaǵan.
1985-1991 jyldary — jyljymaly mehanıkalandyrylǵan kolonnalardyń sheberi, proraby.
1991-1994 jyldary — «Sáýlet» Fýrmanov shaǵyn kásiporny, Oral oblystyq atqarý komıtetiniń sáýlet jáne qurylys komıtetiniń sharýashylyq eseptegi jobalaý-óndiristik sáýlet-josparlaý bıýrosynyń dırektory.
1994-1996 jyldary — BQO Jalpaqtal aýdandyq ákimshiligi basshysynyń orynbasary.
1996-2001 jyldary — «Oralavtojol» qazynalyq kásipornynyń bas mamany, dırektordyń jol qory boıynsha orynbasary.
2001-2002 jyldary — QR Ekonomıka jáne saýda mınıstrligi Qurylys isteri komıtetiniń Batys Qazaqstan oblystyq ortalyǵynyń dırektory.
2002-2005 jyldary — BQO boıynsha Sáýlet-qurylysty baqylaý, ınspektsııalaý jáne lıtsenzııalaý basqarmasy basshysynyń m. a., basshysy, dırektordyń orynbasary; Indýstrııa, saýda jáne shaǵyn bıznesti qoldaý departamentiniń dırektory.
2005-2007 jyldary — Oral qalasy ákiminiń orynbasary.
2007-2008 jyldary — «Qazaqstan Temir Joly» UK» AQ fılıalynyń dırektory, jobalaý jáne kúrdeli qurylys dırektsııasy.
2008 jylǵy qazan-qarasha aralyǵynda — BQO ákiminiń keńesshisi.
2009-2010 jyldary kommertsııalyq uıymdy basqardy.
2011 j. qańtar-shilde aralyǵynda — L. N. Gýmılev atyndaǵy Eýrazııa ulttyq ýnıversıteti rektorynyń keńesshisi.
2011-2013 jyldary — Aqmola oblysy boıynsha Memlekettik sáýlet-qurylys baqylaý jáne lıtsenzııalaý departamentiniń dırektory.
2013 jylǵy sáýir-qarasha aralyǵynda — QR Óńirlik damý mınıstrliginiń Qurylys jáne turǵyn úı-kommýnaldyq sharýashylyq isteri komıtetiniń Qurylystaǵy smetalyq normalar basqarmasynyń basshysy.
2013-2016 jyldary — «Memsaraptama» RMK bas dırektorynyń birinshi orynbasary; bas dırektorynyń m. a.
2016-2021 jyldary — «Memsaraptama» ShJQ RMK bas dırektory qyzmetin atqarǵan.
2023 jylǵy sáýirden bastap QR Indýstrııa jáne ınfraqurylymdyq damý mınıstrligi qurylys jáne turǵyn úı-kommýnaldyq sharýashylyq isteri komıtetiniń tóraǵasy — QR bas memlekettik qurylys ınspektory qyzmetin atqardy.
2023 jyly 7 tamyzda QR ındýstrııa jáne ınfraqurylymdyq damý vıtse-mınıstri bolyp taǵaıyndaldy.
Keıinnen mınıstrlik qaıta qurylymdalǵan kezde QR ónerkásip jáne qurylys vıtse-mınıstri qyzmetine taǵaıyndaldy.
