Zeınep Baıanova kúresten Azıadanyń qola júldesin enshiledi
ASTANA. KAZINFORM — Japonııanyń Aıchı prefektýrasy men Nagoıa qalasynda ótip jatqan jazǵy Azııa oıyndarynda kúres túrlerinen jarys jalǵasyp jatyr, dep habarlaıdy Sportty damytý dırektsııasynyń baspasóz qyzmeti.
50 kelidegi Zeınep Baıanova 3-oryn úshin ótken beldesýde Úndistan balýany Dıpanshıdyń jaýyrynyn jerge tıgizip, taza jeńdi.
Búgingi jarys kúninde 23 jastaǵy jerlesimiz Mýnhar Bıambasýrendi (Mońǵolııa) 8:4 esebimen, Mıran Cheondy (Ońtústik Koreıa) 7:3 esebimen jeńip, jartylaı fınalda basty favorıt sanalǵan ıÝı Sýsakıge (Japonııa) 0:4 esebimen jol bergen bolatyn.
Osyǵan deıin Qazaqstandyq erkin kúres sheberi Edige Qasymbek Aıchı men Nagoıada (Japonııa) ótip jatqan 2026 jylǵy Azııa oıyndarynda qola medal jeńip alǵanyn jazǵanbyz.
