Zeınep Baıanova - Astanadaǵy álem chempıonatynyń qola júldegeri
ASTANA. KAZINFORM — Astana qalasynda ótip jatqan áıelder kúresinen álem chempıonatynda Qazaqstan qorjynyna qola júlde tústi.
Qazaqstan komandasynyń sportshysy, jazǵy Azııa oıyndary men Islam Yntymaqtastyǵy oıyndarynyń qola júldegeri Zeınep Baıanova kishi fınalda Eýropa chempıonatynyń qola júldegeri Natalıa Varakınamen kim myqtyny anyqtady. Nátıjesinde otandasymyz Belarýs ókilin aıqyn basymdyqpen utyp, 50 kg deıingi salmaqta úzdik úshtikti túıindedi.
Eske sala keteıik, keshe Baıanova jarysty 1/8 aınalymnan bastap, Parıj Olımpıadasynyń qatysýshysy, Ózbekstan ókili Aqteńge Keýnımjaevany, sosyn shırek fınalda Mońǵolııa palýany Otgonjargal Dolgorjavty utqan. Shıelenisti ótken jartylaı fınalda úndi qarsylasy Nılamǵa jol berdi.
Bul áıelder kúresinen Qazaqstan komandasynyń qorjynyna túsken alǵashqy júlde ekenin aıta keteıik.
Aıta ketelik Jámıla Baqbergenova Astanadaǵy álem chempıonatynyń jartylaı fınalyna ótken edi.
