Zeınataqy jınaqtaý qory komıssııalyq syıaqysyn tómendetedi - Grıgorıı Marchenko
ALMATY. 6 naýryz. QazAqparat -«MZJQ» AQ-y 12 naýryzdan bastap óziniń salymshylary úshin komıssııalyq syıaqy mólsherlemesin birjaqty tártippen tómendetýge sheshim qabyldady.
Ony QR Ulttyq bank tóraǵasy Grıgorıı Marchenko búgin Almatyda ótken baspasóz máslıhatynda aıtty.
Zeınetaqy jınaqtaý qorynyń birden-bir aktsıoneri bolyp tabylatyn QR Ulttyq banki tóraǵasynyń aıtýynsha, ınvestıtsııalyq kiristen komıssııalyq syıaqy 15-ten 12 paıyzǵa tómendeıdi. Zeınetaqy aktıvterinen komıssııalyq syıaqy 0,5-ten 0,45 paıyzǵa deıin azaıtylady. G. Aleksandrovıchtiń sózine qaraǵanda, bul ózgeristerdiń nátıjesinde baǵalaý boıynsha qordyń josparly taza paıdasy aǵymdaǵy jyly 50 paıyzdan astam tómendeıdi.
«Aktsıonerdiń bul sheshimi erikti túrde jasalyp otyr. Ol qor salymshylarynyń qyzyǵýshylyǵy úshin jasalýda. Ózge qorlar bul mysaldan úlgi alady dep oılaımyn. Zeınataqy salasyndaǵy básekelestik úshin ol óte mańyzdy», - dedi G. Marchenko.
