Zeıin Álipbek Ulttyq mýzeı dırektorynyń keńesshisi boldy

ASTANA. QazAqparat - Tanymal qazaqstandyq jýrnalıst Zeıin Álipbek Qazaqstan Respýblıkasy Ulttyq mýzeıi dırektorynyń keńesshisi bolyp taǵaıyndaldy. Bul týraly QazAqparat QR Mádenıet jáne sport mınıstrliginiń baspasóz qyzmetine silteme jasap habarlaıdy.

Zeıin Álipbekov 1973 jyly dúnıege kelgen. Ál-Farabı atyndaǵy Qazaq Ulttyq Ýnıversıtetin támamdaǵan.

Tanymal qazaqstandyq jýrnalıst túrli jyldary «Jeti kún» aqparattyq-analıtıkalyq baǵdarlamasynyń júrgizýshisi jáne shef-redaktory, «Betpe-bet» jáne «Ykimet pen áleýmet» baǵdarlamalarynyń shyǵarýshy redaktory, «Habar» agenttigi» AQ «Habar» telearnasynyń aqparattyq-analıtıkalyq baǵdarlamalar dırektsııasynyń dırektory, «Habar» agenttigi» AQ «Bilim jáne Mádenıet» telearnasy dırektorynyń orynbasary, «Astana aqshamy» gazetiniń redaktsııasy» JShS bas redaktory-dırektor orynbasary, «Elorda aqparat» JShS dırektorynyń keńesshisi, QR vıtse-premeri-QR aýyl sharýashylyǵy mınıstriniń keńesshisi, A.I. Baraev atyndaǵy astyq sharýashylyǵy ǵylymı-óndiristik ortalyǵynyń bas dırektorynyń keńesshisi qyzmetterin atqardy.

Qazaqstan Respýblıkasy Prezıdentiniń buqaralyq aqparat quraldary salasyndaǵy grantynyń, «Qazaqstan Respýblıkasynyń Táýelsizdigine - 20 jyl» mereıtoılyq medaliniń, QR Mádenıet jáne aqparat mınıstrliginiń «Mádenıet qaıratkeri» tósbelgisiniń ıegeri.