Zertteýshiler «Іnjý syrǵaly qyz» kartınasy mıda erekshe reaktsııa týdyratynyn anyqtady

ASTANA. KAZINFORM – Zertteýshiler gollandııalyq sýretshi ıAn Vermeerdiń «Іnjý syrǵaly qyz» kartınasy kórermenderdiń mıynda erekshe reaktsııa týdyryp, olardy shedevrdiń aldynda uzaq turýǵa sebep bolatynyn anyqtady. Bul óner týyndysy saqtalǵan Gaagadaǵy Maýrıtsheıs murajaıynda jaqynda júrgizilgen zertteý nátıjesinde belgili boldy, dep habarlaıdy Kazinform agenttiginiń menshikti tilshisi.

Neırolog Martın den Otterdiń aıtýynsha, kartına ózindik vızýaldy tsıkl jasaý arqyly kórermenderdiń nazaryn aýdarady, dep jazady Times gazeti.

«Ádette adam basqa adamǵa qaraǵan kezde onyń kózqarasy kózden aýyzǵa qaraı jyljıdy. Áńgimelesýshiniń kóńil kúıi men nıetin birden baǵalaý úshin ádette osy qasıetterdi bir sholý jetkilikti», - deıdi ol.

Degenmen, «Іnjý syrǵaly qyzda» basqa dınamıka bar: kórermenniń kózqarasy kózden eringe, sodan keıin injý-marjanǵa, sosyn kózge qaıta oralady. Bul nazardy ózine aýdaratyn jáne qyzdyń betine qaıta-qaıta qaraýǵa májbúrleıtin turaqty tsıkl jasaıdy.

Bul qubylysty zertteýshi kórkem shyǵarmanyń tańǵajaıyp tartymdylyǵymen túsindiredi.

Zertteý mıdyń ártúrli aımaqtarynyń belsendiligin jáne kóz qozǵalysyn baqylaý úshin arnaıy garnıtýramen jabdyqtalǵan 20 eriktiniń qatysýymen júrgizildi. Eriktiler reaktsııalaryn jazyp alý úshin «Іnjý syrǵaly qyz» jáne Maýrıtsheıstegi basqa da sýretterdi qarady.