Zertteýshiler: Sirke sýy kóptegen aýrýlarǵa em
ASTANA. QazAqparat - Álemdegi taǵam tehnologııalary ınstıtýttarynyń biri sirke sýynyń belgili bir túrleri kóptegen dárilerdi almastyra alatynyn málim etti, dep jazady The Malay Mail.
Olardyń aıtýynsha, sirke sýynda qartaıý protsesin tejeıtin antıoksıdanttar óte mol, ol sondaı-aq obyr men mı aýrýlarynyń damý barysyn baıaýlatady eken.
Sirke sýynyń qabynýǵa qarsy jáne júrek-qan tamyry júıesiniń kúıin jaqsartatyn áseri bar, ári qan qysymyn tómendetedi. Sportshylar úshin, ásirese, artyq salmaqtan arylǵysy keletinder úshin de tym paıdaly, sebebi tamaqqa tábetti tómendetedi.
Zertteýshilerge sensek, kúnine 1-2 qasyq sirke sýyn paıdalanǵanda adam azǵasynda «paıdaly» holesterın mólsheri arta túspek. Olar muny zertteý arqyly tekserip kórdi. 120 erikti jannyń bir tobyna eki aı boıy sirke sýy berilse, ekinshisine «jalǵan dári» (platsebo) taǵaıyndalǵan. N átıjesinde, sirke sýyn tutynǵandardyń aǵzasyndaǵy lıpoproteınder, ıaǵnı «paıdaly holesterınder» mólsheri artqan.
Aıta keteıik, burynyraq jasalǵan zertteýler alma sirke sýynyń «nashar» holesterın mólsherin azaıtyp, «paıdaly» holesterın mólsherin arttyratynyn, sondaı-aq artrıt, dıabet tárizdi aýrýlarǵa em ekenin kórsetken.
