Zertteýshiler Mońǵolııadaǵy ǵylymı ekspedıtsııa kezinde áli ǵylymı aınalymǵa túspegen júzdegen jumbaqtar jazyp aldy
ALMATY. 16 tamyz. QazAqparat - Muhtar Áýezov atyndaǵy ádebıet jáne óner ınstıtýtynyń zertteýshileri Mońǵolııa men Reseıge tuńǵysh ret arnaıy ekspedıtsııaǵa baryp keldi.
«Sheteldegi qazaqtardyń ádebıeti, folklory, óneri» degen taqyryppen ótken bul shara shildeniń 4-i men tamyzdyń 1-i aralyǵynda ótti.
«Onda aldymen Mońǵolııadaǵy qazaqtar kóbirek shoǵyrlanǵan eldi mekender men qalalarda bolyp 2 júzge jýyq adamnan folklor, mýzyka jáne beıneleý óneriniń úlgileri jınaldy. Onyń ishinde, atap aıtqanda, qara óleń, jumbaq, jańyltpash, betashar, joqtaý, syńsý, dinı qıssalar, tóıgeleý jyry men shóreleý jyrlary, sonymen birge ádebı úlgiler jarııalanǵan sırek kezdesetin kitaptar alyndy», - deıdi ekpedıtsııanyń jetekshisi, fılologııa ǵylymdarynyń kandıdaty Aqedil Toıshanuly. Onyń aıtýynsha, zertteý barysynda Mońǵolııa qazaqtary arasynda jumbaq janry keń taralǵandyǵy belgili boldy. Ekspedıtsııa músheleri halyq arasynan áli ǵylymı aınalymǵa túspegen júzdegen jumbaqtar tabylǵan. Budan bólek kóptegen jańyltpashtar, maqal-mátelder, ǵuryptyq folklor úlgisiniń erekshe úlgisi «Qozyny tóıgeleý» jáne «Eshkini shóreleý» jyrlary da ánimen birge jazyp alynǵan kórinedi.
