Zertteýshiler qartaıǵan aǵzany jyldam jasartatyn tásildi usyndy
ASTANA. QazAqparat - Jas aǵzanyń qanyn qartaıǵan aǵzaǵa quıý arqyly mı men bulshyqetterge oń áser etip, jasartý áserin týǵyzýǵa bolady eken.
Washington Post jazǵandaı, Stenford jáne Kalıfornııa ýnıversıtetterinde zerthana zertteýshileri jas jáne kári janýarlardyń qantamyrlar júıesin bir júıege biriktirip, jas qan quıylǵanda mıdyń qalaı jasaratynyn baqylaǵan. «Onyń áseri molekýlalyq, qurylymdyq, fýnktsıonaldyq jáne kognıtıvti deńgeılerde kórinis berdi», - dep jazady zertteý avtorlary. Sondaı-aq Garvard ınstıtýtynyń zerthanasynda kári tyshqandarǵa jas kemirgishterdiń qanyn quıǵanda da dál sondaı qubylys baıqalǵan, ıaǵnı qartaıǵan tyshqandar birden jasaryp, olardyń kognıtıvti, bulshyqettik fýnktsııalary jaqsarǵan. Zertteýshilerdiń biri Altsgeımer aýrýymen aýyratyn naýqastardyń jaǵdaıyn jaqsartý maqsatynda bul tájirıbeni adamdarǵa jasap kórýge nıetti ekendigin jetkizdi. Ǵalymdar da tyń tásil klınıkada da osyndaı oń nátıje kórsetse, adamǵa kárilikpen qosa keletin kóptegen aýrýlardy emdeýge bolar edi dep otyr.
