Zertteýshiler: Ǵalamtorǵa táýeldilik adamnyń ımmýndyq júıesin álsiretedi
ASTANA. QazAqparat - Sýonsı ýnıversıtetiniń jáne Mılan ýnıversıtetiniń zertteýshileri 18 ben 101 jas aralyǵyndaǵy 500 adam arasynda saýalnama júrgizdi.
Qatysýshylardyń shamamen 40%-ynda ǵalamtorǵa táýeldilik baıqalǵan. Ǵalamtorǵa táýeldiligi joǵary eriktiler sýyq tııýmen jáne tumaýmen ózgelerge qaraǵanda 30% jıirek aýyrǵan, dep jazdy The Daily Mail.
Internetke táýeldi jandar jelige shyqpaı qalsa kúızelip, saldarynan olardyń aǵzalaryndaǵy kortızol deńgeıi ózgeredi eken. Al kortızol ımmýnndyq júıege áser etedi.
Onymen qosa, ǵalamtorǵa táýeldi adamdar taza aýada az serýendep, ózge adamdarmen az aralasady. Bul da ımmýnıtetke teris áserin tıgizedi. Sondaı-aq mundaı adamdar az uıyqtaıdy, durys tamaqtanbaıdy, sportpen az shuǵyldanady, temeki shegip, alkogoldi kóbirek paıdalanady.
