Zertteýshiler elektrondyq sıgaretterdiń paıdasyzdyǵyn dáleldedi
ASTANA. QazAqparat - San-Frantsıskodaǵy Kalıfornııa ýnıversıtetiniń ǵalymdary elektrondy sıgaretterdiń adamdardy temeki tartýdan jırendirýge paıdasyzdyǵyn negizdegen zertteýlerin usyndy. Olar bul sholý maqalasyn Circulation jýrnalynda jarııalady, onymen Kalıfornııa ýnıversıtetiniń saıtynan tanysýǵa bolady, dep habarlady Lenta.rý.
Ǵalymdar jumysynyń nátıjelerine sáıkes elektrondy sıgaretterdi óndirýshilerdiń olar temeki tartýdan jırendiredi degen ýájderi negizsiz. Zertteýshiler mundaı jasandy shylym temeki tartýdy tastaýǵa úmitti eleýli tómendetedi, onyń esesine, bólmedegi aýany búldirgennen basqa paıdasy joq.
Elektrondy sıgaretter aýaǵa nıkotınnen basqa ártúrli toksınderdi taratady jáne ol ásirese temeki tartpaıtyndar úshin óte zııandy. Avtorlar ózderiniń jumystarynda elektrondyq sıgaretterge qarsy 84 ǵylymı jumys nátıjelerin qorytyp jazǵan.
Ádette elektrondyq sıgaretter quramynda nıkotın qosylǵan aerozol, glıtserın jáne hosh ıis shyǵaratyn zat bolady. AQSh-ta jasóspirimder arasynda elektrondy sıgaretterdi tutyný 2011 jylǵy 3,3 paıyzdan 2012 jyly - 6,8 paıyzǵa deıin, Ońtústik Koreıada 2008 jylǵy 0,5 paıyzdan 2011 jyly 9,4 paıyzǵa deıin ósken.
