Zertteýshiler: Áıgili nemis kompozıtory Bahtyń birqatar shyǵarmalaryn onyń áıeli jazǵan
ASTANA. QazAqparat - Kórnekti nemis kompozıtory Iogann Sebastıan Bahtyń birqatar belgili týyndylaryn onyń ekinshi jubaıy - Anna Magdalena shyǵarǵan bolýy múmkin.
Mundaı sensatsııalyq tujyrymdy avstralııalyq Charlz Darvın atyndaǵy ýnıversıtettiń mýzyka professory Martın Djarvıs jasady, dep habarlady The Sunday Times gazeti.
Bahtyń mýzykalyq qoljazbalaryn taldaý nátıjesi onyń keıbirin kompozıtordyń ekinshi áıeli Anna Magdalena shyǵarǵanyn kórsetedi. Ol partıtýraǵa áýendi jaqsartatyn, yrǵaqty naqtylaıtyn ózgerister engizip otyrǵan. «Mundaı tujyrymǵa amerıkandyq mamandar qoljazbaǵa zertteý júrgizý barysynda keldi», - dep atap ótilgen gazette.
Anna Magdalena mýzykalyq bilimi bar ánshi bolǵan. Ol negizinen notalardy kóshirýmen aınalysqan.
Martın Djarvıs pen birqatar mamandar Bahtyń shyǵarmalarynyń bir bóligi onyń ekinshi jubaıyna tıesili dep sanaıdy. «Nota jazýda qol qozǵalysynyń sıpaty men engizilgen túzetýler Anna Magdalenanyń tek eriniń mýzykalyq týyndylaryn kóshirip qana qoımaı, ózi de olardy shyǵarýmen aınalysqanyn kórsetedi», - dep atap ótti osy sala mamany Heıdı Harralson.
Mamandar sondaı-aq Bah kóz jumǵannan keıin onyń týystary birden Anna Magdalenanyń muraǵatyn joıyp jibergen dep kúmándanýda.
Professor Djarvıstiń júrgizgen osy jumystarynyń negizinde derekti fılm túsirildi, ol aldaǵy aptada Ulybrıtanııada kórsetilmek.
