Zertteýshiler artyq salmaqtan arylýdyń taǵy bir ádisin aıtty
ASTANA. QazAqparat - Zertteýshilerdiń pikirinshe, aryqtaý úshin asúıdegi ústeldi jınap otyrý kerek.
Ústel ústinde as qaldyratyn názik jandylar artyq tamaqty jıi jep qoıady. Ol salmaq qosýǵa alyp keledi. Osyndaı qorytyndyny Kornel ýnıversıtetiniń zertteýshileri jasady. Mamandar asúılerdiń 200 fotosýretin zerttep shyqty, dep jazady The Daily Mail.
Ǵalymdar ústelderinde as qaldyryp júrgen qatysýshylardyń salmaǵy azyq-túlikti qaldyrmaıtyndarǵa qaraǵanda, 9 keli kóp bolǵanyn anyqtady. Ústelderinde alkogolsiz sýsyndar turǵan áıelderdiń salmaǵy 12 keli kóp bolǵan. Al kórinetin jerde jemister qoıǵandardyń salmaǵy 6 kelideı az bolǵan.
Sondaı-aq zertteýge qatysqan salmaǵy qalypty áıelderazyq-túlikterin arnaıy kishkene shkafta saqtaǵan. Mamandardyń aıtýynsha, ústel ústinde azyq-túlikter qaldyrǵan adamdar tamaqqa qyzyǵyp, ony jep qoıyp otyrady. Atap óteıik, buǵan deıin jasalǵan zertteý kámpıt salynǵan ydys kórinetin jerde turǵan keńse qyzmetkerleri ol eki metr alys jerde turǵandardan góri 5 kámpıt artyq jep qoıyp otyrǵanyn kórsetti. Táttiqumarlar qyzyǵyp, kúnine 125 kalorııa kóp jegen. Sondyqtan jylyna shamamen 6,4 keli salmaq qosyp otyrǵan.
