Zertteýshiler: Aǵashtar adamnyń densaýlyǵyn jaqsartady
ASTANA. QazAqparat - Ósimdikter kómirqyshqyl gazyn adam ómiri úshin óte mańyzdy ottegige aınaldyratyny belgili. Jýyrda júrgizilgen zertteýlerge sensek, aǵashtar osylaısha 850-den astam adamnyń ómirin aman alyp qalady eken.
Sonymen qatar olar 670 000 ret ótkir respıratorlyq aýrýlarǵa shaldyǵýdyń aldyn alatyn kórinedi, dep habarlady Science World Report. Jasyl jelekter aýa sapasyn 1% jaqsartady, ekologııada bul joǵary kórsetkish bolyp sanalady, demek olar sandaǵan adamdardyń ómirlerin qutqarady.
«Aýyldyq eldi meken turǵyndaryna qaraǵanda qala turǵyndary úshin aǵashtardyń mol bolýynyń mańyzy zor. Jasyl jelek neǵurlym kóp bolsa, aýa da soǵurlym tazarady. Aýa tazarǵanda adamdardyń densaýlyǵy jaqsara túsedi», - deıdi zertteýshi Deıv Novak.
