Zertteýshiler 2015 jyly kıikterdiń neden qyrylǵanyn anyqtady - The Guardian
ASTANA. QazAqparat - Ótken jyly qazaqstanda 200 myńnan astam kıiktiń qyrylýyna bakterııalyq ınfektsııa sebepshi bolǵan, dep jazady The Guardian gazeti.
Ótken jyly mamyr aıynda kıikterdiń Betpaqdala popýlıatsııasynyń jappaı qyrylýyna qatysty túrli pikiriler, boljamdar aıtyldy. Tipti keıbireýler Qyzyl kitapqa engen janýarlar zymyranda paıdalanylatyn ýly otynynan ýlandy dedi.
Kıikterdi saqtaý alıansy (SSA) óz qorytyndysyn janýarlar urpaq órbitetin, ári barynsha álsireıtin maýsymda ıaǵnı kóktemde jarııalap otyr. Ólekse tinderdiń bıoúlgilerin zerttegen birqatar zertteý 2015 jyly kıikterdiń jappaı qyrylýyna sebep pasterellez - Pasteurella multocida ekenin anyqtady.
Bul qozdyrǵysh ádette aqbókenniń tynys joldarynda zııanyn tıgizbeı ómir súre beredi. Alaıda osy joly bakterııa baqylaýdan shyǵyp ketken. Bul shópqorekti janýarlar arasynda ýaqyt óte kele bolatyny belgili, biraq ólim-jitim 100 paıyzǵa esh ýaqytta jetpegen. Qazir ǵalymdar pasterellezdiń osynshalyqty qyrylýǵa qalaısha alyp kelgenin anyqtaýǵa tyrysýda.
Ótken jyly kıikter jappaı qyrylǵanǵa deıin olardyń jahandyq popýlıatsııasy 262 000 shamasynda boldy. Qazirgi ýaqytta olardyń sany kemigen 100 myńǵa jetpeıdi.
«Kıikter mamyr aıynda tóldeıdi, qazir joǵalyp ketý qaýpi tóngen osy janýardy zertteýshiler onyń taǵdyryna alańdaýly», dedi SCA ákimshisi Karıln Semıýel (Caryln Samuel).
