Zertteý jastardyń jıi oqıtyn kitaptaryn anyqtaýǵa múmkindik berdi
ASTANA. 14 qańtar. QazAqparat - Búgingi jastar, kóbinese, jas aqyn-jazýshylardyń shyǵarmalaryn oqıdy. Bul týraly Astanada ótken jıynda Ulttyq akademııalyq kitaphana dırektorynyń orynbasary Ǵalııa Isahanova málim etti.
Onyń sózine qarǵanda, kitaphana qyzmetkerleri ótkizgen zertteý jastardyń jıi oqıtyn kitaptaryn anyqtaýǵa múmkindik berdi. «Onyń ishinde Dıdar Amantaı, Aıgúl Kemelbaı, Aıagúl Mantaeva sııaqty jazýshylardyń shyǵarmalary bar. Sondaı-aq jastar jas aqyn-jazýshylardyń kitaptaryn jıi oqıdy eken. Degenmen klassıkalyq jáne álemdik ádebıet te odan tys qalyp otyrǵan joq», - deıdi Ǵ.Isahanova.
Mamannyń aıtýynsha, búginde kitaphanada otyratyn azamattardyń 70 paıyzy - jastar. Olar, kóbinese, ustazdardyń bergen tapsyrmasy boıynsha kitap alady. Al kórkem ádebıetti oqıtyn jastar neken-saıaq.
