Zertteý: Jastar jańalyqtyń kóbimen teledıdar emes, ınternet arqyly tanysady
ASTANA. QazAqparat - Jastar teledıdar emes, ınternetti tańdaǵaly kóp boldy. Ásirese bul barlyq álemdik jańalyqtardy qamtıtyn áleýmettik portaldarǵa qatysty. Taıaýda bul jaıly Oskford Ýnıversıteti Reıter jýrnalıstıka ınstıtýtynyń mamandary daıyndaǵan baıandamada aıtyldy.
On segiz jas pen jıyrma tórt jas aralyǵyndaǵy adamdar qatysqan saýalnamada jıyrma segiz paıyzy áleýmettik jeli - jańalyqtar men aqparattyń negizgi kózi degenge senimdi. Jıyrma tórt paıyzy teledıdar kóretinin jazǵan. Bul saýalnama jyl saıyn álemniń jıyrma alty elinde sońǵy bes jyl ishinde júrgizilip kelgen.
Tizimge AQSh, Ulybrıtanııa, Avstralııa, Ispanııa, Italııa, Túrkııa, Japonııa, Ońtústik Koreıa jáne basqa da elder kirdi. Jyl saıyn mamandar 50 myńnan astam respondenttiń pikirin eskergen.
Zertteý kórsetkendeı, iri áleýmettik portaldar - jaı sóılesip-aralasý orny emes, adamnyń barlyq qajetti, mańyzdy, jańa aqparatty alatyn resýrsy. Áleýmettik portaldar jańalyqtaryn qaraýǵa ásirese názik jandylar men jastar qumar ekeni anyqtaldy.
