ZERTTEÝ: Zeınetkerlik jasqa shyqqan soń jumys isteý ómirdi uzartady
ASTANA. QazAqparat - Ǵalymdar zeınetke shyǵýdan keıin jumys isteýge keńes beredi. Oregon shtaty ýnıversıteti ǵylymı qyzmetkerleriniń anyqtaýynsha, jumys istep júrgen zeınetkerlerdiń arasyndaǵy ólim belsendi eńbek qyzmetin jalǵastyrmaǵan qurdastaryna qaraǵanda 11 paıyz sırek kezdesedi.
Mamandar zeınetke shyǵýdyń adamnyń densaýlyǵyna qalaı áser etetinin anyqtaý maqsatynda arnaıy zertteý júrgizgen.
Bul zertteý 18 jylǵa sozyldy. 1992-2010 jyldar aralyǵynda oǵan eńbek demalysyna shyqqan shamamen 12 myń adam qatysty.
Zertteý qorytyndysy boıynsha, 65 jastan keıin jumys isteýdi jalǵastyrǵan adamdar jumys istemeıtin qurdastaryna qaraǵanda 11 paıyz uzaq ómir súrgeni anyqtaldy. Eger zeınetkerlerdiń densaýlyq problemalary bolǵan jaǵdaıda bul san 9 paıyzdy quraǵan.
Táýligine 10-12 saǵattan jumys istep úırengen egde jastaǵy adamdar ózderin jaqsy sezingeni atap ótiledi.
Zertteý jumys isteýdiń zeınetkerlerdiń qartaıǵan aǵzasy men oılaý qabiletiniń qyzmetine jaqsy áser etetinin kórsetti, dep jazady sheteldik BAQ.
