Zertteý: Tym kóp uıyqtaıtyn adamdar az ómir súredi
ASTANA. QazAqparat - Ǵalymdar júrgizgen jańa zertteýler táýligine segiz saǵattan artyq ýaqyt uıyqtaıtyn eresekter ómirmen erterek qosh aıtysatynyn kórsetti, dep habarlaıdy The Telegraph.
Zertteý málimetterinshe, sondaı-aq táýligine alty saǵattan kem uıyqtaıtyn adamdardyń ǵumyry da táýligine jeti saǵat uıyqtaıtyndardan qysqa bolady eken. Sonymen, dárigerler eresek adam kúnine jeti saǵattan segiz saǵatqa deıin uıyqtaýy tıis degen toqtamǵa kelip otyr.
On jyl boıy sarapshylar mıllıondaǵan adamdarǵa olardyń uıqyǵa jumsaǵan ýaqyttary týraly saýaldar qoıyp kelgen. Sonyń nátıjesinde uzaq ýaqyt uıyqtaıtyn adamdardyń kúızeliske, qant dıabetine jáne júrek aýrýlaryna ushyraıtyny dáleldengen.
Ýorıks ýnıversıtetiniń júrek-qan tamyry aýrýlary boıynsha mamany Franko Kappýchıonyń aıtýynsha, uıqyǵa kóbirek ýaqytyn bóletin jandardyń ajal qushý yqtımaldyǵy táýligine jeti saǵat uıyqtaıtyndarmen salystyrǵanda, 30%-ǵa joǵary eken.
