Zertteý: Tele2 Qazaqstanda qyzmet quny jaǵynan kósh bastap tur
ASTANA. QazAqparat - ComNews Research kompanııasy Qazaqstandaǵy baılanys qyzmetteriniń qunyna zertteý júrgizip, Tele2 kompanııasyn eldiń neǵurlym tıimdi operatory retinde tanydy. Tergeý nátıjesi Tele2 operatorynyń mobıldik «sebetiniń» quny Qazaqstan boıynsha mobıldik «sebettiń» ortasha qunynan eki esege tómen ekendigin kórsetti.
ComNews Research derekterine súıensek, mobıldik baılanys «sebetiniń» quny 2014 jylǵy aqpandaǵy jaǵdaı boıynsha Qazaqstan boıynsha ortasha 1674,70 teńgeni qurady. Bul ótken jylmen salystyrǵanda, 13,3 paıyzǵa tómen. 2014 jylǵy aqpandaǵy jaǵdaı boıynsha abonentter úshin Qazaqstan operatorlarynyń eń tıimdisi, ótken jylǵydaı Tele2 kompanııasy bolyp otyr: operatordyń usynysy boıynsha «sebettiń» ortasha quny 776,90 teńgeni quraıdy. Osylaısha, kompanııa «sebetiniń» quny Qazaqstan boıynsha ortashadan tómen 53,6 paıyzdy qurady.
«Biz Qazaqstandaǵy devalvatsııa men baǵanyń ósýine baılanysty abonentterge artyq tólemeý mańyzdy ekenin bilemiz, bul rette uıaly baılanysty tutynýdyń jáne ınternetke qoljetimdiliktiń bastapqy deńgeıin saqtadyq. Bizdiń qazaqstandyqtarǵa usynysymyz burynǵysha qalady, maqsatymyz baǵanyń ádil araqatynasyn ustap, barlyǵyna tıimdi uıaly baılanys sapasyn arttyrý bolmaq», - dedi Qazaqstandaǵy Tele2 basqarmasynyń tóraǵasy Pıetarı Kıvıkko.
ComNews Research sondaı-aq Qazaqstannyń uıaly baılanys naryǵynda abonentter úshin óńirlik baǵa ashyq ártaraptandyrylmaǵanyn aıtady. 2014 jylǵy aqpanda eń «arzan», eń «qymbat» óńirdegi mobıldik baılanys sebetiniń quny Qazaqstan Respýblıkasyndaǵy mobıldik sebettiń ortasha qunynan keminde 4 paıyzǵa erekshelendi. Zertteý derekterine sáıkes ótken jyly Qazaqstannyń barlyq mobıldik operatorlarynda mobıldik «sebettiń» quny tómendedi, al Tele2 operatorynda qyzmet quny (2013 jylǵy aqpanmen salystyrǵanda, 29 paıyzǵa) edáýir tómendegeni baıqalady.
