Zertteý: sońǵy 100 jylda adamdardyń boıy qanshalyqty ósti
ASTANA. QazAqparat - Sońǵy 100 jylda gollandııalyq erler men latvııalyq áıelder planetadaǵy eń boıshań adamdar bolyp tanyldy. Bul týraly The Guardian basylymy NCD Risk Factor Collaboration zertteý uıymynyń esebine silteme jasap habarlady.
Zertteýde aıtylǵandaı, sońǵy júz jylda planetanyń barlyq turǵyndarynyń boıy ósken. Salystyrýǵa 1914 jáne 2014 jyldardaǵy 18 jastaǵy jer turǵyndarynyń boıyna qatysty kórsetkishter alynǵan. Júz jylda erler men áıelder ortasha alǵanda 11 santımetrge óskeni anyqtaldy. Aıta ketý kerek, erler (ortasha boıy 177,5 santımetr) burynǵydaı áıelderden (164,4 santımetr) bıik.
Ońtústik Koreıadaǵy áıelder sońǵy 100 jylda 20 santımetrge ósti. Erler arasynda bul kórsetkish boıynsha Irak týmalary alda. Olar ortasha alǵanda 16,5 santımetrge ósti.
Zertteý avtory Djeıms Bentamnyń aıtýynsha, adamdardyń boıynyń ósýi álemdik tendentsııa. Ol sońǵy 100 jylda adamdar jaqsy tamaqtanyp, gıgıena men densaýlyq saqtaýdyń jaqsarǵanyna baılanysty.
