Zertteý: Smartfonnyń kómegimen jer silkinisi týraly aldyn ala bilýge bolady
ASTANA. QazAqparat - AQSh zertteýshileri smartfondar jer silkinisi týraly aldyn ala habar taratý júıesiniń bir bóligine aınala alady degen tujyrym jasady, dep jazady Science Advances.
Ǵalymdar GPS datchıkterimen jabdyqtalǵan smartfondar nemese basqa da quraldar jaqyn ýaqytta jer silkinisiniń bolatynyn anyqtap bere alatynyn nemese almaıtynyn tekserdi. Ol úshin uıaly telefondardyń GPS-datchıkteriniń málimetteri dáldikpen kórsetetin aspaptardyń kórsetkishterimen salystyryldy. Nátıjesinde, uıaly telefondardyń 7 jáne odan da joǵary balldyq jer silkinisterin anyqtaı alatyny belgili boldy.
ıAǵnı, smartfon óziniń ıesine eger mundaı seısmıkalyq belsendilik týraly aqparat jaqyn mańdaǵy júzden astam osyndaı qurylǵylarda tirkelse, jer silkinisi týraly belgi bere bastaıdy. Zertteýge qatysqan 5 myń adamnyń málimetteriniń kómegimen «jasandy» jer silkinisin 5 sekýnd ishinde anyqtaý múmkin boldy. Taıaý ýaqytta jer silkinisiniń oryn alatyn týraly aldyn ala habardar bolýy úshin smartfon ıesi telefonyna arnaıy qosymshany júktep alsa bolǵany, al qajetti datchıkter zamanaýı uıaly telefondardyń bárinde bar.
