Zertteý: Smartfonǵa qumarlar depressııaǵa jıi shaldyǵady
ASTANA. QazAqparat - Amerıkalyq ǵalymdar smartfondy shekten tys qoldanatyn jandardyń depressııaǵa anaǵurlym beıim ekenin anyqtady.
Ásirese, kóp jaǵdaıda áıelder toqyraýǵa ushyraıdy. Zertteý Information Systems Journal basylymynda jarııalandy.
«Smartfondar bizge tez arada kóterińki kóńil-kúı syılaıtyn quralǵa aınaldy, buǵan adam baıyppen úırene bastaıdy», - deıdi zertteý avtory professor Isaak Vagefı. Ol 182 stýdent arasynda saýalnama júrgizip, olar smartfondy bir kúnde qanshalyqty jıi qoldanatyndaryn bildi. Anyqtalǵandaı, respondentterdiń 20 paıyzynda óz smartfondaryna qumarlyq saldarynan qoǵamda jáne jumys ornynda problemalary bar bolyp shyqty. Odan bólek, telefonǵa táýeldilerde depressııa, qoǵamnan oqshaýlaný, ózin-ózi baǵalamaý, jasqanshaqtyq jáne albyrttyq belgileri baıqalǵan.
