Zertteý nátıjesi: COVID-19 vaktsınasy qaterli isikpen kúresýge kómektesedi

ASTANA. KAZINFORM — Hıýstondaǵy MD Anderson onkologııalyq ortalyǵynyń ǵalymdary 2019-2023 jyldar aralyǵynda emdelgen myńnan astam naýqastyń derekterine taldaý jasady, dep habarlaıdy Kazinform BILD basylymyna silteme jasap.

Nature jýrnalynyń málimeti boıynsha, ımmýnoterapııany bastaǵannan keıin 100 kún ishinde mRNQ vaktsınasyn alǵan patsıentterdiń úsh jyldyq ómir súrý deńgeıi ekpe almaǵandarǵa qaraǵanda eki ese joǵary boldy. Ásirese kúshti áser «sýyq» dep atalatyn isigi bar naýqastarda baıqaldy. Mysaly, prostata jáne uıqy bezi obyry barlarǵa ımmýndyq júıe ádette álsiz jaýap beredi. Alaıda vaktsına alý atalǵan naýqastardyń ómir súrý múmkindigin bes ese arttyrdy. 

Zertteý avtorlary túsindirgendeı, mRNQ vaktsınalary ımmýndyq júıe úshin dabyl sıgnaly retinde áreket etedi: ımmýndyq jasýshalardy belsendiredi, rak kletkalaryn tanyp, joıa bastaıdy. Degenmen, dástúrli vaktsınalar mundaı nátıje bermedi. 

Qazir zertteýshiler mRNQ vaktsınatsııasynyń onkologııalyq naýqastar úshin standartty terapııanyń bóligi bola alatynyn rastaý úshin úlken klınıkalyq synaqty josparlap otyr. 

— Kez kelgen vaktsına ımmýnıtetti arttyrady, - deıdi nemis ımmýnology Karsten Vattsl. 

Buǵan deıin habarlaǵanymyzdaı, Qytaı qartaıýdy báseńdetetin ekpeni synaqtan ótkizdi.