Zertteý: Internet Qudaıdan alshaqtatady
ASTANA. QazAqparat - Jýyrda Massachýsets ınjenerlik kolledjiniń professory Allen Daýnı júrgizgen saýalnama amerıkandyqtardy dinnen alshaqtatyp turǵan negizgi faktorlardyń biri - ınternet ekenin anyqtady.
Ǵalamtor mundaı «qyzmeti» boıynsha dinnen alshaqtyqty quptaıtyn joǵary bilim berý júıesimen ıyq tirestire alady eken. Bul týraly muslim.kz saıty jazdy.
«Árıne, biz ınternet adamdy dinnen alshaqtatady dep tap basyp aıta almaımyz», - deıdi ǵalym. Alaıda, byltyr sáýir aıynda qorytyndysy shyqqan zertteý jumysy boıynsha, Qudaıǵa senbeımin deıtin amerıkalyqtardyń úles salmaǵy 1990 jylǵy 8 paıyzdyq mejeden 2010 jyly 18 paıyzǵa ósken.
Professor Daýnıdiń qorytyndysy boıynsha, aptasyna birneshe saǵat ǵalamtor paıdalanatyn adamdar ınternetke múlde kirmeıtinderden 2 paıyzǵa «qudaısyz» bolyp keledi eken.
Sondaı-aq, ınternetti únemi qoldanatyndardyń arasyndaǵy Qudaıǵa senbeıtinder qoldanbaıtyndarǵa qaraǵanda 3 paıyzǵa kóp.
