Zertteý: Er adamdar áıelderge qaraǵanda aınaǵa kóp qaraıdy
ASTANA. QazAqparat - Avaj kompanııasynyń ǵalymdary 1000 adamnyń arasynda saýalnama júrgizdi.
Zertteý barysynda olar er adamdardyń aınaǵa ortasha esepppen alǵanda kúnine 23 ret, al áıelder - 16 ret qaraıtynyn anyqtady. Bul rette, názik jandylar aınaǵa negizinen barlyǵy durys pa dep teksergisi kelip, kemshilikterdi izdeý úshin qarasa, er adamdar aınanyń aldynan ózderine súısinip qaraý úshin turǵan, dep baıandaıdy The Hindustan Times.
Er adamdar aınanyń aldynda kúnine 10 mınýtqa jýyq ýaqyt turǵan, bul jylyna 6 kúndi quraıdy. Ózderine senimdi respondetterdiń 11 paıyzy aınaǵa kúnine 30 retten kóp qaraǵan. Suraý júrgizilgen er adamdardyń 76 paıyzy súıikti dene músheleri retinde qoldaryn aıtsa, 54 paıyzy - aıaqtaryn, 49 paıyzy - jymıǵanyn, 43 paıyzy - kózderin, al 38 paıyzy - shashtaryn ataǵan.
Erkekterdiń 82 paıyzy syrtqy kelbetine kóp mán bergen. 67 paıyzynda úsh ne odan da kóp kosmetıkalyq zat boldy. 34 paıyzy júretin qyzdarynyń nemese otbasy múshesiniń kosmetıkalyq zattaryn paıdalanǵanyn moıyndasa, 9 paıyzy áıelderge arnalǵan kosmetıkany turaqty túrde paıdalanǵanyn aıtty.
