Zertteý: Bes jyldan keıin adamdar jasandy et jeýge kóshedi
ASTANA. QazAqparat - Gollandııanyń Maastrıht ýnıversıtetiniń mamandary aldaǵy ýaqytta, shamamen 2020 jylǵa qaraı adamzat jasandy jolmen ósirilgen mal etine jeýge kóshýi múmkin ekendigin aıtyp otyr.
Resmı málimetter boıynsha, mamandar sıntetıkalyq etti óndirýdiń biregeı tehnologııasyn ıgere alǵan, sondyqtan bes jyldan soń adamdar dúkenderden osyndaı ónimderdi satyp alyp, buǵan kóz jetkize alady.
Avtorlardyń aıtýynsha, bul formýla álemde ashtyqpen kúres júrgizý úshin alynǵan. Oǵan qosa, mamandardyń esepteýinshe, bul adamdardyń et úshin keı janýarlardyń sanyn azaıtýynyń aldyn alyp, sol janýarlardyń túrlerin saqtap qalýǵa kómektesedi.
Sondaı-aq ǵylymı qyzmetkerler birinshi tabysqa eki jyl buryn jetkenin aıtyp otyr, ıaǵnı olar jasandy etten gambýrger ázirlegen. Bul rette jasandy et organıkalyq qasıetteri boıynsha tabıǵı etten kem túspedi. Biraq onyń bir úlken kemshiligi bar ekenin atap ótý kerek: bir gambýrgerdiń baǵasy 300 myńǵa jýyq eýrony quraǵan, dep jazady planet-today.ru.
