Zertteý: Aýanyń lastanýy - densaýlyq saqtaý salasyndaǵy tótenshe jaǵdaı

NUR-SULTAN. QazAqparat - Zertteýshiler búgingi tańda aýanyń lastanýy «densaýlyq saqtaý salasyndaǵy tótenshe jaǵdaı» sanalatynyn aıtty, dep jazady The Independent.

Ǵalymdardyń aıtýynsha, aýanyń lastanýy ınsýlt, astma jáne júrek aýrýlaryna ushyratady.

«Anglııa boıynsha toǵyz qalany zerttegen mamandar balalardaǵy ókpeniń jetilmeýi jáne ókpe ragy aýa lastanýyna baılanysty ekenin anyqtady. Jyl saıyn 124 adamnyń júregi toqtap, 231 adam ınsýlt alyp, 193 bala men eresek astmamen aýrýhanaǵa túsken», dep jazady avtor.

Buǵan deıin Ulybrıtanııa úkimeti qorshaǵan ortanyń lastanýynan jylyna 36 myń adam qaza tabatynyn habarlady.

«Bul daǵdarystan qutylý úshin jergilikti úkimet jańa qadamdar qabyldap, densaýlyq saqtaý salasyndaǵy bul daǵdarysty sheshýi kerek», dep jazady basylym.