ZERTTEÝ: Alma holesterın kórsetkishterin aıtarlyqtaı tómendetedi
ASTANA. QazAqparat - Statınder - holesterın deńgeıin tómendetetin qýatty zat. Alaıda olardyń keri áseri de bar. Janama áserleri, mysaly, atorvatın kezinde tamaq aýyryp, júrek aınıdy, býyn jáne bulshyqet aýyrady, qandaǵy qant deńgeıi artady.
The Telegraph basylymynyń jazýyna qaraǵanda, keı jaǵdaılarda statınderdi alma jep almastyrýǵa bolady. Eger adam kúnine bir alma jep otyrsa, júrek talmalary men ınsýlttardyń aldyn alýǵa bolady, deıdi Lıverpýl ýnıversıtetiniń sarapshylary.
Ǵalymdardyń málimetterinshe, júrek-qantamyr kemistikteriniń damý qaýpi az toptaǵy adamdar úshin almany kúndelikti jeý statınderdi qabyldaýdan mıokard ınfarktynyń qaýpin tómendetýmen teń bolady.
Atalǵan ádistiń bolashaǵynyń zor ekenin júrek-qantamyr aýrýlary oqıǵalarynyń 80 paıyzdan astamy syrtqy faktorlarǵa baılanysty bolatynymen túsindiriledi. Atap aıtqanda, áńgime as mázirindegi zııandy tamaq, temeki shegý, alkogol jáne dene belsendiliginiń bolmaýy týraly bolyp otyr.
