Zertteý: Álemde balalardyń 25 paıyzy tamaqqa jarymaıdy
ASTANA. 28 mamyr. QazAqparat - Álemde balalardyń tórtten bir bóligi toıyp tamaqtanbaýdan zardap shegýde.
Bul brıtandyq Save the Children qaıyrymdylyq uıymynyń zertteý qorytyndysy, dep habarlaıdy Bı-Bı-Sı.
Baıandamada atap ótilgendeı, asqa jarymaı júrgen balalardyń mektepte bilim alýyna keri áserin tıgizýi yqtımal. Jetkilikti mólsherde tamaqtanbaý olardyń oqý jáne jazý qabiletterin tejeýi múmkin.
Zertteý avtorlarynyń baılamynsha, toıa tamaqtanbaý aıyqpas zardaptarǵa ákelýi múmkin: balalardyń deninde oı-qabilettiń damýynda aýytqýlar bolyp, álsiz bolyp ósedi.
Uıym álem kóshbasshylaryn asqa jarymaý máselesin «úlken segizdiktiń» maýsym aıyndaǵy sammıtiniń kún tártibine engizýge úndeýde.
