Zertteý: Adamdar balasy úshin kóbirek alańdaıdy
ASTANA. QazAqparat - Boston soltústik-shyǵys ýnıversıtetitiniń ǵalymdary adamdardyń balalaryna kóbirek alańdaıtyndyǵyn anyqtady. Bul týraly Society & Animals jýrnalynda jarııalanǵan, dep habarlaıdy RIA Novostı.
Ǵalymdar 240 stýdentke qaskúnemniń beısbol saqasymen shabýyl jasaǵany týraly aqparatty kórsetedi. Polıtsııa tapqan zardap shegýshiniń denesi jaraqattanyp, aıaǵy synǵan jáne es-tússiz bolǵan. Ǵalymdar zertteý kezinde zardap shegýshini «aýystyrǵan». Olar zardap shegýshi retinde bir jasar balany, 30 jastaǵy eresekti, 6 jastaǵy ıt pen kúshikti kórsetken. Sodan keıin stýdentter empatııaǵa (aıaýshylyq qabileti) test tapsyrǵan.
Zertteýge qatysýshylardyń eresek adamǵa qaraǵanda, kúshikke, ıtke jáne balaǵa qatty qaıǵyrǵany anyqtaldy.
Ǵalymdar zertteýdiń nátıjesinde mynadaı qorytyndyǵa keldi: aıaýshylyq qabiletine zardap shegýshiniń álsizdigi áser etedi.
