Zerthanalar jumysy osy aptada jandanady – Kamaljan Nadyrov
ALMATY. QazAqparat – Almaty qalalyq Qoǵamdyq densaýlyq saqtaý basqarmasynyń basshysy Kamaljan Nadyrov qaladaǵy zerthanalyq dıagnostıkalaý týraly baıandady, dep habarlaıdy QazAqparat tilshisi.
«Bizdiń birqatar zerthanalarymyz túrli sebeptermen ýaqytsha isten shyqty. Osy aptada jumys jańartylatyn bolady. Sondaı-aq Bolat Ótemuratovtyń qory syılaǵan mobıldik zerthana paıdalanýǵa beriledi. Zerthanalardyń isten shyǵýy qoǵamda rezonans týdyrdy. Biraq, patsıentterde test nátıjesiniń oń bolmaýyna qaramastan, koronavırýsqa uqsas klınıkalyq kórinis tapqan jaǵdaıda, biz dıagnostıkalaý men emdeýdiń jańa klınıkalyq hattamasyna sáıkes, testileý nátıjesin kútpesten emdeýdi bastaımyz. Bul emdeý protsesin baqylaýǵa jáne protsesti qaýipti asqynýlarǵa deıin órshitip almaýǵa múmkindik beredi. Bolashaqta osyndaı irkilisterdi boldyrmaý úshin jeke jetkizýshilerdi tartý arqyly aǵymdaǵy qýattardy arttyrý jáne jańa zerthanalardy ashý máselesi pysyqtalyp jatyr», - dedi K.Nadyrov.
Buǵan deıin qalanyń bas sanıtarlyq dárigeri Jandarbek Bekshın zerthanalar nelikten test qabyldamaı jatqanyn túsindirgen bolatyn.
