Zergerlik dúkendi tonamaq bolǵan qaraqshylar qarsylyq bildirgen azamatty atyp ketti
ASTANA. QazAqparat - Amýr oblysynda zergelik buıymdar satatyn pavılonǵa kelýshi satýshyǵa bas salǵan qarýly qaraqshylardy toqtatpaqqa áreket jasaǵan kezinde oq tıip, qaza tapty, dep habarlady óńir polıtsııasyna silteme jasaǵan RIA Novostı.
«Úshinshi tamyzda saǵat 15-te Seryshevo kentinde betperde kıgen eki belgisiz adam satýshyny tapanshamen qorqytyp, jalpy somasy 3 mıllıon rýbl bolatyn zergerlik buıymdardy qoldy etti. Kelýshilerdiń biri olardy toqtaýǵa tyrysqan, alaıda qaraqshylardyń atqan oǵynan aýyr jaraqat alǵan ol oqıǵa ornynda ajal qushty», - dep habarlady vedomstvodan.
Qylmyskerler úsh ret oq atyp, artynsha budan buryn aıdap ketken Nissan kóligimen boı tasalaǵan, keıinnen kólikti kórshi aýylda qaldyryp ketken.
Polıtsııa derekterine súıensek, qylmyskerler dúkenniń kúzeti joq ekenin, ári beınebaqylaý júıesi isten shyqqanyn paıdalanǵan.
RTK óńirlik tergeý organy atalmysh fakti boıynsha RF «Qaraqshylyq» jáne «Kisi óltirý» baptaryna sáıkes qylmystyq is qozǵady. Qaraqshylar izdestirilýde.
