Zergerlik buıym óndirýshilerge 6 paıyzdyq nesıe beriledi

ASTANA. QazAqparat – Elimizde zergerlik buıymdar óndirisin qoldaý úshin Kásipkerlikti damytýdyń ulttyq jobasy aıasynda 6 paıyzdyq nesıe berledi. QR Premer-Mınıstri Álıhan Smaıylov Senat depýtattarynyń saýalyna joldaǵan jaýabynda osyndaı derek keltirgen, dep habarlaıdy QazAqparat tilshisi.

«Zergerlik salanyń básekege qabilettiligin arttyrý maqsatynda birqatar qarjylyq jáne qarjylyq emes yntalandyrý sharalary kózdelgen. Kásipkerlikti damytýdyń 2021 – 2025 jyldarǵa arnalǵan ulttyq jobasy iske asyrylýda. Máselen, syıaqy mólsherlemesin sýbsıdııalaý aıasynda jyldyq mólsherlemesi 6% bolatyn kredıtter beriledi. 5 jyl merzimmen beriletin kredıt somasy bir kásipker úshin 3 mlrd teńgege deıin. Kredıtti kepilmen qamtamasyz etý jetkiliksiz bolǵan jaǵdaıda ishinara kepildik beriledi. Іsin jańa bastaǵan kásipkerler úshin kepildiktiń eń joǵary mólsheri 85%, jumys isteıtinder úshin 50%. Kepildik somasy – tıisinshe 360 mln teńgeden jáne 1 mlrd teńgeden aspaıdy. Syıaqynyń jeńildikti mólsherlemesi boıynsha mıkrokredıtter berý 5% mólsherinde júzege asyrylady», - depdedi Úkimet basshysy.

Premer-Mınıstrdiń aıtýynsha, zergelik buıym óndirýshiler ınvestıtsıaılyq nesıe de rásimdeı alady.

«Mıkrokredıt berý somasy ınvestıtsııalyq maqsattarǵa 20 mln teńgege deıin, aınalym qarajatyn tolyqtyrýǵa 5 mln teńgege deıin quraıdy. Sondaı-aq «Qarapaıym zattar ekonomıkasy» baǵdarlamasy sheńberinde kásipkerlerge 7 % mólsherleme boıynsha jeńildikpen kredıt berý kózdelgen. Kredıt somasy shektelmegen, sýbsıdııalaý merzimi – 5 jyl jáne kredıtter boıynsha ishinara kepildik beriledi (kredıt somasy 1 mlrd teńgege deıin 50 %)», - delingen Álıhan Smaıylovtyń jaýabynda.

Foto: oroalexander.com