Zerendilik jastar Elbasy Joldaýyna qoldaý bildirdi

KÓKShETAÝ. QazAqparat - Zerendi aýdanynyń aktıvi Elbasy Joldaýyn talqylady. Aýdandyq mádenıet úıinde ótken aktıv jınalysyna aýdan ákimi Mereke Mustafın, aýdandyq máslıhattyń depýtattary, okrýg ákimderi, memlekettik organdar men kásiporyndardyń basshylary, úkimettik emes uıymdardyń, eńbek ujymdarynyń jáne buqaralyq aqparat quraldarynyń ókilderi qatysty, dep habarlaıdy QazAqparat tilshisi.

Jıynda aýdan basshysy Joldaýdyń basym baǵyttaryn atap kórsetip, óńirlik damýdyń boljamdy nátıjesin baıandady. Sondaı-aq, aýdan ekonomıkasynyń turaqty ósip otyrǵanyn tilge tıek etti. Onyń aıtýynsha, qazirdiń ózinde aýdanda birneshe iri joba iske asyrylýda.

«Memleket basshysy ár Joldaýynda jastarǵa erekshe kóńil bólip keledi. Eldiń keleshegi jastardyń qolynda ekenin udaıy aıtyp otyrady. 2019 jyl «Jastar jyly» dep jarııalanýy tekten tek emes. Bul jaǵymdy jańalyqty zerendilik jastar da qýanyshpen qabyldady. Óıtkeni, Elbasynyń bastamalaryn júzege asyrýda jastardyń qosar úlesi zor», dedi aýdan ákimi Mereke Mustafın.

Sonymen qatar, jıynda aýdandyq bilim bóliminiń basshysy Jangeldi Ýaıysov, jastar resýrstyq ortalyǵynyń basshysy Jázıra Qazbaeva, «Hımık» JShS dırektory Ivan Pozdnıakov jáne «Turǵyn úı qurylys jınaq banki» AQ-y Aqmola oblystyq fılıaly dırektorynyń orynbasary Baljan Bikebaevanyń da pikirleri tyńdaldy.

«Joldaýda belgilengen mindetterdi júzege asyrý úshin birqatar bólim, mekeme basshylaryna tıisti tapsyrmalar berildi. Baǵdarlamalyq qujatqa den qoıyp, árbir aýdan turǵynyna jetkizý, oryndaý bárimizdiń azamattyq paryzymyz,-dedi aktıv jıynyn qorytyndylaǵan Mereke Mustafın.