Zerendilik kásipker zamanǵa saı jabdyqtalǵan meıramhana ashty-Aqmola oblysy
KÓKShETAÝ. QazAqparat - Aqmola oblysynyń Zerendi aýdanynda jarııalanǵan 88 jobanyń alǵashqysy júzege asyryldy, dep habarlaıdy «QazAqparat» HAA tilshisi.
Oblystyq ishki saıasat basqarmasynyń málimeti boıynsha Zerendi selosynda «Sógeti» jańa meıramhanasyn ashyp otyrǵan jeke kásipker Berik Jaqııanov. Kásipker osy maqsatta ekinshi deńgeıli bankten qaryzǵa 30 mıllıon teńgeden astam qarjy alǵan. Meıramhana 300-den astam adamǵa arnalǵan, onda 12 adam eńbek etedi.
Meıramhanaǵa Almaty oblysyndaǵy taý shatqalynyń ataýy «Sógeti» dep atalýynyń ózindik qupııasy bar. Kásipkerdiń balalyq shaǵy osy shatqalda ótken. Qazirgi zamanǵa saı jabdyqtalǵan meıramhanada zerendilikter men aýdan qonaqtary tamaqtanyp, saltanatty sharalardy ótkize alady.
Shaǵyn jáne orta bıznes nysanynyń ashylý saltanatyna Zerendi selolyq okrýginiń ákimi Baýyrjan Shorınov, aýdandyq kásipkerlik, ónerkásip jáne týrızm bóliminiń basshysy Kúleı Beksultanova qatysyp, quttyqtaý sóz sóıledi.
