Zerendilik arý 13 jyldan beri ormanshy bolyp eńbek etedi
ASTANA. QazAqparat - Aqmola oblysy, Zerendi aýdanynyń turǵyny Evgenııa Svetlıchnaıa 10 jyldan astam ýaqyt boıy ormanshy bolyp eńbek etip keledi. Orman sharýashylyǵyna basynda qarapaıym jumysshy bop kelgen ol búginde on shaqty adamnan quralǵan brıgadaǵa jetekshilik etedi, dep habarlaıdy 24.kz telearnasy.
Evgenııa óz ujymynda úlken bedelge ıe.
«Ormanshy bolý degen erlerdiń jumysy ǵoı, negizi. Biraq Jenıa názikjandy bolsa da, óz qyzmetine adal. Tapsyrylǵan isti tap-tuınaqtaı qylyp oryndaıdy. Evgenııanyń anasy da bizde eńbek etken bolatyn. Ákesi de osynda jumys isteıdi. Ormanshy Evgenııa kóliktiń kezkelgen túrin tizgindeı alady. Onyń óz jumysyna degen adaldyǵy men tııanaqtylyǵyna qarap, quddy bir áskerı adam dersiń», deıdi «Kókshetaý» MUTP Zerendi fılıalynyń dırektory Kóshpaı Muqanov.
Evgenııa negizi ormanshylar otbasynan shyqqan. Ákesiniń qasynda júrip, tabıǵattyń ádemiligine tamsanǵan arý aqyrynda ormanshy bolýdy uıǵarady. «Men otbasymdy qalaı jaqsy kórsem, óz jumysym da men úshin sondaı qymbat. Maǵan munda barlyǵy unaıdy. Taza aýa, ný orman. Onyń ústine atam men ájem de - osy orman sharýashylyǵynyń negizin qalaǵandar. Ormanshy bolý - áıel adamǵa ońaı emes», deıdi Zerendi orman sharýashylyǵynyń aǵa sheberi Evgenııa Svetlıchnaıa.
Evgenııanyń endigi armany orman sharýashylyǵynyń eski keńsesin murajaıǵa aınaldyrý. Al odan keıin, árıne, ana retindegi armany - ósirip otyrǵan qos ulynyń er jetip, ormanshylar áýletiniń ata kásibin jalǵasa deıdi.
