Zerendidegi taý shańǵysy bazasynda 16 jasar jasóspirim qaıtys boldy
KÓKShETAÝ. QazAqparat - Zerendidegi taý shańǵysy bazasynda astanalyq 16 jasar jasóspirim qaıtys boldy, dep habarlaıdy QazAqparat tilshisi.
Aqmola oblystyq Polıtsııa departamenti baspasóz qyzmetiniń málimetinshe, bıylǵy jylǵy qańtardyń 2-sinde saǵat 17:25-te Zerendi aýdandyq PB kezekshi bólimine shańǵy bazasynyń menedjeri habarlasyp, Sadovoe aýylynan 10 km qashyqtyqta shańǵy jolynda Astana qalasynyń 2006 jylǵy turǵyny qaıtys bolǵandyǵyn aıtqan.
«Anyqtalǵandaı, jasóspirim ata-anasymen birge shańǵy bazasyna demalýǵa kelgen. Shańǵy jolymen tómen syrǵanap bara jatqan jasóspirim aǵashqa soǵylyp, sol jerde kóz jumǵan. Osyǵan baılanysty Qylmystyq kodekstiń 306-baby boıynsha («Qaýipsizdik talaptaryna saı kelmeıtin jumystardy oryndaý nemese qyzmetter kórsetý») sotqa deıingi tergeý bastaldy. Saraptama taǵaıyndaldy», - dedi vedomstvodan.
Aıta ketsek, Aqmola oblysynda tártip saqshylary 30-dan astam kólikten turatyn kolonnany dittegen jerine jetkizdi.
Foto: instagram.com/sinegor.kz