Zerendide jylqy urlaǵan barymtashylar ustaldy – Aqmola oblysy
KÓKShETAÝ. QazAqparat – Aqmola oblysynyń Zerendi aýdanynda jylqy urlaǵan barymtashylar ustaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Vedomstvonyń málimetinshe, 2018 jyldyń 21 qyrkúıeginde Zerendi aýdandyq PD kezekshilik bólimine Uıaly aýlynyń turǵyny júginip, aýyldastarynyń jaıylymda júrgen 7 jylqysynyń joǵalǵanyn aıtqan.
«16 qazan kúni jedel izdestirý nátıjesinde kúdiktiler - Zerendi aýdany Qoısalǵan aýlynyń 45 jastaǵy jáne Býrabaı aýdany Qyzyl Kardon aýylynyń 60 jastaǵy turǵyndary ustaldy. Tergeý barysynda anyqtalǵandaı, kúdiktiler qaraýsyz jaıylyp júrgen jylqylardy Zerendi aýdany aýmaǵynan Býrabaı aýdanyna aıdap aparǵan. Keıin sol jaqtaǵy aýyldarǵa satqan» deıdi vedomstvodan.
Qazirgi kezde osy oqıǵaǵa qatysty QR QK 188-baby boıynsha is qozǵalyp, sotqa deıingi tergeý júrip jatyr. Sonymen qatar, kúdiktilerdiń ózge qylmystarǵa qatysy bar-joǵy anyqtalýda.
