Zerendide týrıster úshin vızıt ortalyǵy ashylady
KÓKShETAÝ. QazAqparat - Aqmola oblysynyń Zerendi aýdanyndaǵy memlekettik ulttyq tabıǵı saıabaǵy aýmaǵynda týrıster úshin vızıt ortalyǵyn ashý josparlanǵan. Bul týraly aımaq basshysynyń keńesshisi Marat Iǵalı málim etti, dep habarlaıdy QazAqparat tilshisi.
«Aqmola oblysy boıynsha «Atameken» óńirlik kásipkerler palatasynda Zerendi aýdanyndaǵy memlekettik ulttyq tabıǵı saıabaǵy aýmaǵynda týrıster úshin vızıt ortalyǵyn ashý máselesin talqyladyq. Ulttyq tabıǵı saıabaqty damytýdaǵy bas josparǵa sáıkes vızıt ortalyqtyń qurylysyn júrgizý úshin jer telimi bólindi», dep jazady M.Iǵalı Feısbýktegi paraqshasynda.
Sonymen qatar, ol 2018 jyly Şýchınsk - Zerendi avto jolynyń qurylysy aıaqtalatynyn atap ótti. Bul óz kezeginde Zerendige keletin týrıster aǵynyn arttyrýǵa septigin tıgizbek.
2017 jyldyń maýsym aıynda QR Úkimetiniń qaýlysymen 2023 jylǵa deıingi týrıstik salany damytýdyń tujyrymdamasy bekitilgen bolatyn. Tamyz aıynda QR Mádenıet jáne sport mınıstri Arystanbek Muhamedıuly elimizde týrıster úshin vızıt ortalyq ashý josparda baryn aıtqan bolatyn. Mınıstr osyndaı ortalyqtardy ashý álemdik tájirıbede baryn, sondaı-aq, munda kelýshiler men týrıster úshin dámhana, estelik buıymdar satatyn sóreler, májilis zaly, sheberhana sııaqty ózge de qajetti ınfraqurylym bolatynyn atap ótti.
