Zerendide salynyp jatqan qus fabrıkasy taıaýda tolyq qýatpen jumys isteı bastaıdy

KÓKShETAÝ. QazAqparat - Zerendi aýdanyndaǵy «BLIC TERMINAL» seriktestigi qus fabrıkasyn salý jobasy jeltoqsan aıynda tolyq qýatymen jumys isteı bastaıdy. Bul týraly aımaq basshysynyń orynbasary Marat Iǵalıev áleýmettik jelidegi paraqshasynda jazdy, dep habarlaıdy QazAqparat tilshisi.

«Aqmola oblysy ákiminiń tapsyrmasymen «BLIC TERMINAL» kompanııasynyń basshysy Erbol Jýarovpen kelissóz júrgizdim. Kompanııanyń Zerendi aýdanynda salynyp jatqan qus fabrıkasy jeltoqsan aıynda tolyq qýatpen jumys isteı bastaıdy», dep jazdy oblys ákimniń orynbasary.

Aıta keteıik, qus fabrıkasynyń qýaty jylyna 2 500 tonna ónimdi quraıdy. Joba boıynsha quny - 1,1 mıllıard teńgege baǵalanǵan. Alǵashqy qus eti 2019 jyldyń 25 tamyzynda shyǵaryldy. Kompanııa ónimi Nur-Sultan, Kókshetaý jáne Qaraǵandy qalalaryndaǵy bazarlar men saýda núktelerinde satylýda.

«Erbol Barlyqulynyń óndiristi odan damytý týraly jaqsy josparlary bar. «Esil» ÁKK» UK» AQ birlesip jylyna 13 balapan shyǵaratyn ınkýbatordy iske qosýdy josparlap otyr», dep tolyqtyrdy Marat Iǵalıev.