Zerendide provızorlyq bólimsheden koronavırýs juqtyrǵan sońǵy naýqas jazylyp shyqty
KÓKShETAÝ. QazAqparat - Zerendi aýdanyndaǵy provızorlyq bólimsheden sońǵy naýqas jazylyp shyqty, dep habarlaıdy QazAqparat tilshisi.
Aýdan ákimdiginiń málimetinshe, koronavırýs ınfektsııasymen aýyrǵan adam sanynyń kúrt ósýine baılanysty Zerendi jáne Chaglınka aýyldarynda 180 oryndyq provızorlyq statsıonar ashylǵan.
Onda bıyl 22 maýsym men 21 tamyz aralyǵynda ár aýdan men qalalardan jetkizilgen 523 syrqat emdelgen.
«Eki aı boıy bizdiń medıtsına qyzmetkerleri naýqastardyń ómiri úshin tynymsyz kúresip, 493 naýqasty emdep shyǵardy. Ókinishke qaraı, pandemııadan qaıtys bolǵandar da bar. Búgin Zerendi aýylynyń provızorlyq statsıonarynan sońǵy naýqas Maıra Qabylqaı emdelip shyqty. Buǵan dárigerlerdiń qosqan úlesi zor», - deıdi Zerendi aýdany ákimdigindegiler.
Maıra Qabylqaı aýrýhanaǵa tamyzdyń 14-de túsken. Sodan beri oǵan dárigerler tarapynan búkil medıtsınalyq kómek kórsetildi.
Qazirgi kezde onyń densaýlyǵy jaqsy.
