Zerendide orman órtin sóndirýge 150-den astam adam men tikushaq jumyldyryldy

ZERENDІ. QazAqparat - Zerendide 150-den astam adam men tikushaq orman órtin sóndirdi, dep habarlaıdy QazAqparat TJD baspasóz qyzmetine silteme jasap.

Baspasóz qyzmetiniń málimetinshe, 25 tamyzda «Kókshetaý» MUTP Zerendi fılıalynyń Grıbnovskoe orman sharýashylyǵy aýmaǵynda orman órtengen, onyńsóndirýge 154 adam men órt desanty bar tikushaq qatysqan.

Orman órtin joıýǵa 20 tehnıka, 1 tikushaq jáne jeke quramnyń 142 adamy, onyń ishinde Aqmola oblysy TJD-synyń 5 tehnıkasy jáne 51 adamy, 6 tehnıka jáne orman mekemeleriniń 54 qyzmetkeri, «Qazavıaormanqorǵaý» AQ-nyń 1 tikushaǵy, jergilikti atqarýshy organdardyń 7 tehnıkasy men 33 adamy jáne órtke qarsy qurylymdardyń 2 tehnıkasy men 4 qyzmetkeri tartyldy», delingen habarlamada.

Órttiń sóndirý ońaıǵa soqpady, sebebi qatty jel men aǵashtardyń basy órtenýi kedergi keltirdi «Alaıda, jedel is-qımyldar men kúshter men quraldardyń ýaqtyly jumyldyrylýynyń arqasynda órt saǵat 18.50-de oqshaýlandy, qazirgi ýaqytta orman ishin barlaý júrgizilýde. Ormannyń 7 gektaryn órt sharpyǵan», delingen habarlamada.

Mamandar «órtep jiberdi» degen boljam jasap otyr. Órt bolǵan jerde Zerendi aýdandyq polıtsııa bóliminiń jedel tergeý toby jumys isteıdi.

Eske sala keteıik, Aqmola oblysynda aýa raıynyń ystyq bolýyna baılanysty órt qaýpiniń deńgeıi joǵary. Tótenshe jaǵdaılar departamenti orman alqaptarynda órt qaýipsizdigin saqtaý qajet ekenin eskertedi.