Zerendide baıkerlerdiń «Road Freedom Fest» festıvali ótedi

«Visit Aqmola» týrıstik aqparat ortalyǵynyń málimetinshe, bul joly da baıkerler Zerendi aýdanynyń Elikti taý shańǵysy bazasynda bos qospaqshy. Baıkerler qozǵalysy - bul eń áýeli tutastaı erkindik sezimi. Mýzyka men mototsıkl merekesin uıymdastyrýǵa oblystyq týrızm basqarmasy, sondaı-aq, Elikti taý shańǵy bazasynyń ákimshiligi men «Road Brazers» baıkerler klýby uıytqy bolyp otyr.

Motoklýbtyń alǵa qoıǵan maqsaty - týrısterdi barynsha kóptep tartý arqyly óńirdiń týrıstik áleýetin arttyrý. Elikti saıabaǵynda ótetin festıvalge qatysýshylar eki kún boıy mádenı sharalardy tamashalaıdy, alǵashqy kúni áýesqoılar arasynda kúsh ekstrıminen Soltústik Qazaqstan kýbogi sarapqa salynady. Budan bólek, Nur-Astana, Kókshetaý, Qaraǵandy jáne Atbasar qalalarynan kelgen «Djaraıd», «Perıfırııa», «Vremena goda», Bend «Rýbıkon» tárizdi vokaldy-aspapty ansamblder men «Angely Tmy» jáne Ta «Bend» rok toptarynyń kontserti uıymdastyrylady.

Al kelesi kúni Motokrostan QR Chempıonatynyń besinshi kezeńin jáne motosportshylar arasynda ashyq kýbogin ótkizý josparlanǵan.

Sonymen qatar, qonaqtar úshin shatyr lageri tigilip, «Elikti Park» demalý bazasynda jaıly nomerler usynylady. Tamaqtaný oryndary men estelik syılyqtar, moto jáne rok atrıbýttaryn saýdalaıtyn sóreler jumys isteıdi. Jalpy, festıvalge qatysýshylarǵa «Elikti Park» demalý bazasynda jaıly demalýy úshin barlyq jaǵdaı jasalatyn bolady.

«Road Freedom Fest» - mototsıklshilerdiń ǵana merekesi emes. Bul - moto mádenıetpen jaqyn tanysyp, tanymal rok oryndaýshylardyń ánderin tyńdaı otyryp, tabıǵat aıasynda demalý, qyzyqty adamdarmen tanysý. Sondyqtan, barshańyzdy atalmysh merekege shaqyramyz», - deıdi Aqmola oblysy ákiminiń orynbasary Marat Iǵalıev.