Zerendide aýrýhanaǵa «bomba qoıǵan» 30 jastaǵy kúdikti ustaldy
KÓKShETAÝ. QazAqparat - Aqmola oblysynda terrorıstik akti týraly jalǵan aqparat bergen 30 jastaǵy kúdikti anyqtaldy, dep habarlaıdy QazAqparat tilshisi oblystyq PD baspasóz qyzmetine silteme jasap.
Eske sala keteıik, osyǵan deıin habarlaǵanymyzdaı , 21 naýryz saǵat 18:15-de Aqmola oblysynyń Zerendi aýdandyq aýrýhanasyna jarylǵysh zat qoıylǵany týraly jalǵan aqparat bergen adamǵa izdeý jarııalanǵan bolatyn.
Іzdeý jumystaryna PD jeke quramy, jergilikti atqarýshy organdardyń, aýdan prokýratýrasynyń qyzmetkerleri, jedel tergeý toby jáne ózge qyzmetter tartyldy.
«Arada tórt saǵat salyp tártip saqshylary Zerendi aýdanynyń 30 jastaǵy turǵynyn anyqtady. Ol 2-shi toptaǵy múgedek jáne «paranoıdaldy shızofrenııa» dıagnozymen esepte turǵan. Ol 2011 jyldyń qazan aıynda terrorızm týraly jalǵan aqparat bergeni úshin isti bolǵan» deıdi vedomstvodan.
Qazirgi kezde kúdiktiniń ústinen QR QK 273-baby boıynsha sotqa deıingi is qozǵalyp, shara qoldaný máselesi anyqtalýda.
