Zerendide ashyq aspan astyndaǵy «ystyq» basseın salynbaq
KÓKShETAÝ. QazAqparat - Aqmola oblysynda qazirgi zamanǵa saı jabdyqtalǵan qonaqúı kesheni ashyldy, dep habarlaıdy QazAqparat tilshisi.
Zerendi kóliniń jaǵasynda ornalasqan qazirgi zamanǵa laıyqtalyp salynǵan eki qabatty ǵımaratta týrısterdiń demalýyna barlyq jaǵdaı jasalǵan. Týrıstik nysannyń ashylýyn aýdandaǵy shaǵyn jáne orta bıznesti óristeýge qoldaý bildirýdiń jarqyn kórinisi dep túsinýge bolady.
«Zerendi park» kesheniniń ıesi Isataı Ańsatovtyń aıtýynsha, demalys ornynda 11 qonaqúı bólmesi, alpys oryndyq ashana jáne shynydan jasalǵan jazǵy shaǵyn bes úı bar. Demalýshylar úshin fýtbol, jattyǵý jáne balalar alańy qarastyrylǵan. Aldaǵy ýaqytta tehnıkalyq sport túrleri boıynsha keshendi, jyl boıy paıdalanylatyn ashyq aspan astyndaǵy «ystyq» basseıindi salý josparda bar.
Jańa nysannyń ashylý rásimine qatysqan oblys ákimi Málik Myrzalın quttyqtaý sózinde Zerendi oblysymyzdaǵy týrızm damyǵan óńirlerdiń aldyńǵy leginde ekenin aıtyp ótti. Sondaı-aq «Zerendi park» qonaqúı keshenin ashýdyń mańyzdylyǵyna toqtaldy. Sonymen qatar óńirde týrızmdi damytý máselelerine toqtalyp, atqarylyp otyrǵan jumystardyń barlyǵy halyq ıgiligi úshin jasalyp jatqanyn jetkizdi.
«Elbasy Aqmola oblysynyń týrıstik əleýetin eskere otyryp, óńirde týrızmdi damytýǵa qatysty naqtyly mindetter júktegen bolatyn. Óńirde Býrabaıdan basqa Zerendi aýdanynda da týrızm qarqyndy damýda. Ózen-kólderimen, əsem tabıǵatymen tanymal Zerendi týrıster men demalýshylar úshin taptyrmas meken. Búgin esigin aıqara ashyp otyrǵan nysan - osy ıgi isterdiń bir belesi. Bul jaı ǵana keshen emes, kópfýnktsıonaldy nysan. Munda demalýshylar úshin barlyq jaǵdaı jasalǵan. Osy sətti paıdalana otyryp, osyndaı ıgi istermen aınalysyp, eldi mekenderdiń əleýmettik-ekonomıkalyq damýyna úles qosyp júrgen kásipkerlerge alǵys bildiremin", dedi Məlik Myrzalın óz sózinde.
Sonymen qatar, sharaǵa arnaıy kelgen qoǵam qaıratkeri Murat Əbenov quttyqtaý lebizin bildirdi.
Foto: russianexpress.net
