Zerendide 104 gektar orman órtenip ketti

KÓKShETAÝ. QazAqparat – Aqmola oblysynyń Zerendi aýdanynda bolǵan orman órtin sóndirýge 200-ge jýyq adam jumyldyryldy, onyń ishinde órt sóndirýshiler, ormanshylar, erikti órt sóndirý qurylymdary, sondaı-aq azamattyq qorǵaý akademııasynyń kýrsanttary bar. Qazirgi kezde órt bolǵan aýmaq tekserilip jatyr, dep habarlaıdy QazAqparat tilshisi.

Oblystyq Tótenshe jaǵdaılar departamenti baspasóz qyzmetiniń málimetinshe, órt bolǵan aýmaqqa aımaq basshysy Ermek Marjyqpaev, TJD bastyǵy Nurlan Atyǵaev jáne PB bastyǵy Dýman Taev boldy.

«Qyrkúıektiń 3-inde saǵat 20:05-te «Kókshetaý» memlekettik ulttyq tabıǵı parkiniń Zerendi fılıalynda órt shyqqany týraly habarlandy. Aımaq basshysynyń tapsyrmasy boıynsha oblystyq jedel shtab quryldy. Atbasar, Sandyqtaý jáne Zerendi órt sóndirý bólimderiniń kúshteri men quraldary tartyldy. Sondaı-aq, Kókshetaý qalasynyń órt sóndirý bólimderinen 30 adam jiberildi. Saǵat 00:00-de órt aýyzdyqtaldy. Jaǵdaı baqylaýda», - dep túsindirdi TJD bastyǵy Nurlan Atyǵaev.

Tótenshe jaǵdaılar departamentiniń baspasóz qyzmetinen atap ótkendeı, órt bolǵan aýmaq 104,5 ga qurady. Qaza bolǵandar men zardap shekkender joq. Órttiń shyǵý sebebi anyqtalýda.

Aıta ketsek, «Qazgıdromet» RMK-nyń habarlaýynsha, Aqmola, Qostanaı oblystarynyń basym bóliginde joǵary órt qaýpi saqtalady.

Foto: Oblystyq TJD baspasóz qyzmeti