Zerendi kólinde 4 adam sýdan qutqaryldy
KÓKShETAÝ. QazAqparat - Aqmola oblysyndaǵy Zerendi kólinde 4 adam sýdan qutqaryldy, dep habarlaıdy QazAqparat tilshisi aýmaqtyq TJD silteme jasap.
Vedomstvonyń málimetinshe, 6 maýsymda saǵat 18:00-der shamasynda Zerendi kóliniń «Jasyl múıis» túbeginde qaıyqtaǵy 4 jigittiń jaǵaǵa jete almaı tolqynmen arpalysyp jatqandyǵy týraly habar túsedi.
«Jastardyń aıtýynsha, qaıyqpen júzý kezinde bir eskek synyp qalǵan. Jalǵyz eskekpen qatty tolqynǵa qarsy qaıyq esý qıyndap, jastar jaǵaǵa óz kúshterimen jete almaı álek bolady. Uıaly baılanystyń bolmaýy saldarynan qutqarýshylarǵa da telefon shala almaıdy. Bir saǵatqa jýyq ýaqyt tolqynmen arpalysqan arpalasqan olardy qutqarýshylar baıqap jaǵaǵa alyp shyǵady. Qutqarylǵan jastar Zerendi aýdanynyń 1994, 1996, 2000 jáne 2002 jylǵy turǵyndary. Jaǵaǵa shyǵarylǵan jastarǵa qutqarýshylar sýǵa túsken kezde mindetti túrde arnaıy qutqarý keýdeshesiniń bolýy qajettigin aıtyp túsindirdi», - deıdi vedomstvonyń baspasóz hatshysy Dınara Esenbaeva.
