Zerendi kólinde 32 jastaǵy er adam sýǵa batyp ketti

KÓKShETAÝ. QazAqparat – Aqmola oblysynyń Zerendi kólinde 32 jastaǵy er adam sýǵa batyp ketti, dep habarlaıdy QazAqparat tilshisi Aqmola oblysy TJD baspasóz qyzmetine silteme jasap.

«Belgili bolǵandaı er adam Zerendi kóline týystary jáne dostarymen demalýǵa barǵan. Demalýshylardyń sózinshe, er adam jaǵalaýdan 10 metr jerde sýǵa batyp ketken. Ol tusta sýdyń tereńdigi - 170 sm. Qazirgi kezde oqıǵanyń mán-jaıy anyqtalyp jatyr», - dedi vedomstvodan.

Osy rette Aqmola oblysy tótenshe jaǵdaılar departamenti oblystyń turǵyndary men qonaqtaryna sýdaǵy qaýipsizdik erejelerin saqtaý kerektigin eskertedi.

Aıta ketsek, budan buryn Aqmola oblysynda balany qutqarmaqshy bolǵan er adamnyń sýǵa batyp ketkenin jazǵan edik.